ANA SƏHİFƏ HAQQIMIZDA ƏLAQƏ
dini radikalizm və ekstremizmlə mübarizə

Yaxın günlərdə maaş və pensiyaların artırılması ilə bağlı təkliflər Nazirlər Kabinetinə təqdim olunacaq - Nazir

Baxış Sayı:40

Yaxın günlərdə maaş və pensiyaların artırılması ilə bağlı təkliflər Nazirlər Kabinetinə təqdim olunacaq - Nazir
Yaxın günlərdə əməkhaqqı, pensiya, təqaüd və sosial müavinətlərin artırılması ilə bağlı təkliflər Nazirlər Kabinetinə təqdim olunacaq.

Azerixeber.az xəbər verir ki, Trend-in məlumatına görə, bunu əmək və əhalinin sosial müdafiəsi naziri Sahil Babayev türkiyəli həmkarı Vedat Bilginlə birgə keçirdiyi brifinqdə deyib.

Nazir bildirib ki, nəzərdə tutulan artımlar ötən illərdə həyata keçirilən sosial paketlərin davamıdır.

"“Əhalinin sosial rifahının qorunması sahəsində əlavə tədbirlər haqqında” sərəncam 1 milyon 800 min vətəndaşı əhatə edir. Əməkhaqqılardakı artımlar 1 milyona yaxın işçiyə, müavinət və pensiya artımı 450 min nəfərə, həmçinin tələbələrə, əhalinin aztəminatlı hissəsinə şamil olunacaq. Bu, sosial konsepsiyaya uyğun olaraq əhalinin rifahının artırılması məqsədi güdür"

Qeyd edək ki, Prezident İlham Əliyev 16 oktyabr 2021-ci il tarixdə “Əhalinin sosial rifahının qorunması sahəsində əlavə tədbirlər haqqında” sərəncam imzalayıb.

Sərəncamda Nazirlər Kabinetinə əməkhaqlarının, pensiya və sosial müavinətlərin, təqaüdlərin və digər sosial ödənişlərin məbləğlərinin artırılması ilə bağlı 2022-ci ilin dövlət büdcəsi layihəsində müvafiq tədbirlərin əks etdirilməsi üçün təkliflər hazırlanması və dövlət başçısına təqdim edilməsi tapşırılır. Həmin təkliflərin hazırlanmasına artıq başlanıb və qısa müddət ərzində bu təkliflər yekunlaşdırılaraq təqdim ediləcək.
Trend.az

Oxşar xəbərlər
SON XƏBƏRLƏR